MDB PA-dan olan beynəlxalq müşahidəçilər Belarus Kommunist Partiyasının rəhbərliyi ilə görüşüblər.

BKP nümayəndələri irəli sürülən namizədlərin sayı barədə məlumat veriblər: 33-ü Nümayəndələr Palatasına deputatlığa, 700-ü isə yerli Şuralara. “Biz bütün yaş kateqoriyalarından namizədlər irəli sürmüşük, lakin əsas vurğunu gənclərin təbliğinə edirik. Xüsusilə də yerli səviyyədə. Onlar bütün siyasi yolu keçməli, təcrübə qazanmalıdırlar. Ənənəvi seçicimiz təəssüf ki, uzaqlaşır, amma gənclər arasında sol ideologiyanın populyarlığı artır” – Belarus Kommunist Partiyası Mərkəzi Komitəsinin birinci katibi Aleksey Sokol qeyd etdi. BKP-nin ən gənc namizədinin 23 yaşı var.

BKP-nin 11 üzvü parlamentlərin aşağı palatasının hazırkı deputatlarıdır, yuxarı palatada bir kommunist senator çalışır.

Seçki günü paytaxtda və regionlarda Kommunist Partiyasından 500-ə yaxın müşahidəçi monitorinq aparacaq.

Aleksey Sokol MSK-nın işinə yüksək qiymət verdi və seçki iştirakçıları üçün dialoq platformalarının təşkilini müsbət qiymətləndirdi. “Hər kəsə bərabər, diqqətli münasibət” – o qeyd etdi. Partiya liderinin sözlərinə görə, əvvəlcə seçkilərə 50 nəfər namizəd irəli sürülmüş, lakin bütün qeydiyyatdan imtina olunması əsaslandırılmışdır.

Mərkəzi Komitənin birinci katibi yeni partiyalardan birinin populyarlığının sürətlə artması nəzərə alınmaqla seçkilərdə rəqabətliliyi yüksək hesab edir. O, həmçinin seçkiləri boykot etmək məqsədi ilə internetdə sabitliyi pozan çağırışlara baxmayaraq, seçicilərin fəal olmalarını qeyd edib. “Mən özüm məntəqələrdə olmuşam və şəxsən əmin olmuşam ki, seçicilərin fəallığı nəzərə çarpandır. Gənclər səs verməyə gedir”, – deyə BKP nümayəndəsi bunu son illərdə aparılan hüquqi və maarifləndirmə işlərinin nəticəsi adlandırıb.

MDB PA Şurasının Baş katibi Dmitri Kobitski görüşdə müşahidəçilərin Belarus Parlamentinin dəvəti ilə işlədiklərini dedi. Qrupun proqramında bütün partiyaların nümayəndələri və seçki prosesinin digər iştirakçıları ilə görüşlər keçirilməsi yer alıb.