Özbəkistanda növbədənkənar prezident seçkilərinin monitorinqi çərçivəsində MDB Parlamentlərarası Assambleyası və türk dövlətləri parlament assambleyasının beynəlxalq müşahidəçiləri seçki kampaniyasının gedişini müzakirə ediblər.

MDB PA Şurasının baş katibi Dmitri Kobitski monitorinq qrupunun fəaliyyətindən danışıb və müşahidənin təkcə Özbəkistanda deyil, dünyanın 11 ölkəsində aparıldığını qeyd edib.

“Müşahidəçilərimiz xarici məntəqələrdə seçicilərin böyük fəallığını qeyd edirlər. Məsələn, Moskvada seçki məntəqələrinə bütün növbələr düzülüb”, – deyə baş katib bildirib.         Dmitri Kobitsky çıxışında Özbəkistanın qanunverici və seçki idarəetmə orqanlarının yüksək səviyyədə seçki kampaniyası aparmağa imkan verən əhəmiyyətli işlərini vurğuladı.

TürkPA missiyasının rəhbəri, Türkiyə parlamentinin deputatı Halük İpek həmkarlarını təqdim edərək qeyd edib ki, bir neçə ölkə hər iki parlament Təşkilatının üzvüdür və onların nümayəndələri iki missiyadadır. Türkiyəli deputatın sözlərinə görə, beynəlxalq müşahidə iki region ölkələrində seçki prosedurlarının yaxşılaşdırılmasına kömək edir, müxtəlif missiyaların parlamentarilərinin seçki proseslərinin monitorinqində iştirakı isə onların əməkdaşlığının möhkəmlənməsinə xidmət edir.

Tərəflər Özbəkistanda prezident seçkilərinin sakit şəraitdə keçirilməsi ilə bağlı razılığa gəliblər, seçki kampaniyası barədə seçicilərə yaxşı məlumat verilib. Hər iki missiyanın nümayəndələri əməkdaşlığı və dialoqu inkişaf etdirməyə hazır olduqlarını bildiriblər.

Qeyd edək ki, görüşdə MDB PA DİMBİ Bakı filialının direktoru Ramin Rzayev də iştirak edib.