Bakıda MDB PA-dan olan müşahidəçilərin Azərbaycan Konstitusiya Məhkəməsinin sədri ilə görüşü baş tutub

MDB Parlamentlərarası Assambleyasından olan beynəlxalq müşahidəçilər qrupu Azərbaycan Respublikasının Konstitusiya Məhkəməsində olub və Konstitusiya Məhkəməsinin sədri Fərhad Abdullayev ilə görüşüblər.

KM sədri müşahidəçilərə növbədənkənar parlament seçkilərinin təyin edilməsi haqqında Milli Məclisin qərarının Konstitusiyaya uyğunluğu barədə ətraflı məlumat verib.

Məhkəmə sədri seçki proseslərində beynəlxalq müşahidənin vacibliyini bildirib. Konstitusiya Məhkəməsinin rəhbəri qeyd edib: “Müşahidə prosesi yalnız nəzarət deyil – konstruktiv bir prosesdir”. O, parlamentarilərə – MDB PA-dan olan beynəlxalq müşahidəçilərə konstruktiv işlərinə, obyektivlik və qərəzsizliklərinə görə təşəkkür edib.

MDB PA-dan müşahidəçilər qrupunun koordinatoru, RF Federasiya Şurasının birinci vitse-spikeri Andrey Yatskin Azərbaycanda seçki proseslərinin təkmilləşdirilməsində KM-nin rolunu qeyd edib.

O, Azərbaycan qanunvericiliyinin demokratik seçkilərin beynəlxalq standartlarına uyğunluğu haqqında MDB PA DİMBİ-nin ekspertlərinin hazırladığı rəyi Konstitusiya Məhkəməsinin sədrinə təqdim edib.