CASPIA Analitik Mərkəzində dəyirmi masa

CASPIA Analitik Mərkəzində müasir regional və qlobal siyasətin aktual məsələlərinin müzakirəsinə həsr olunmuş dəyirmi masa keçirilib. Tədbirdə MDB PA DİMBİ  Bakı filialının direktor müavini Nigar Əliyeva və Filialın müşaviri Nərmin Mahmudova iştirak ediblər.

Görüş çərçivəsində Cənubi Qafqaz və Mərkəzi Asiya geosiyasəti, Orta Dəhlizin inkişafı və tranzit-logistik marşrutların perspektivləri məsələləri müzakirə olunub.

Tədbirin formatı canlı ekspert diskussiyası və regional təhlükəsizlik arxitekturasının transformasiyası, iqtisadi qarşılıqlı bağlılıq və formalaşmaqda olan çoxqütblü beynəlxalq nizamda orta dövlətlərin rolu məsələləri üzrə fikir mübadiləsini nəzərdə tutub.

İştirakçılar strateji infrastruktur, enerji sahəsində qarşılıqlı əlaqə və Avrasiya məkanı ölkələri arasında praktiki əməkdaşlığın genişləndirilməsi məsələlərinə xüsusi diqqət ayırıblar.