MDB PA DİMBİ Bakı filialının direktoru Ramin Rzayev Bakı filialının cari ilin fəaliyyətilə bağlı məruzə ilə çıxış etdi

231 dekabr 2023-cü ildə MDB PA Şurası Katibliyinin 2023-cü ildə Filialların fəaliyyətlərinin yekunu və 2024-cü il üçün İş planın icrası ilə bağlı MDB PA DİMBİ filialları ilə müşavirə keçirildi.

Müşavirədə MDB PA Şurası Katibliyinin rəhbəri – Baş katib Dmitriy Kobitskiy, MDB PA Şurası Baş katibinin müavini, Azərbaycan Respublikası Milli Məclisinin səlahiyyətli nümayəndəsi Aydın Cəfərov, MDB PA Şurası Katibliyi rəhbərinin müavini, MDB PA DİMBİ-nin direktoru İvan Müşket, MDB PA DİMBİ filiallarının direktorları, MDB PA Şurası Katibliyinin şöbə müdirləri,  MDB PA DİMBİ-nin şöbə müdirləri, əməkdaşları və digər şəxlər iştirak ediblər.

MDB PA Şurası Baş katibinin müavini, Azərbaycan Respublikası Milli Məclisinin səlahiyyətli nümayəndəsi Aydın Cəfərov qeyd etmişdir ki, Bakı filialı 2023-cü il üçün olan iş planını uğurla yerinə yetirmişdir.

MDB PA DİMBİ Bakı filialının direktoru Ramin Rzayev məruzə ilə çıxış edərək işin yekunlarından, o cümlədən Filialın “Heydər Əliyev – müasir müstəqil Azərbaycanın memarı və Azərbaycan multikulturalizminin banisi”, “Dövlət gənclər siyasəti vətəndaş cəmiyyətinin inkişaf amili kimi və “Sosial islahatların Azərbaycan Respublikasının ictimai-siyasi həyatında vətəndaşların iştirakına təsiri” mövzusunda elmi monoqrafiyaların nəşrindən danışıb. Ramin Rzayev filial əməkdaşlarının MDB PA-nın iştirakçı dövlətlərində keçirilən seçkilərdə beynəlxalq müşahidəçi qismində iştirakından və bəzi dövlət və qeyri-dövlət qurumları ilə qarşılıqlı əlaqələrindən danışıb.

Daha sonra MDB PA DİMBİ-nin digər filiallarının direktorları hesabatlarla çıxış ediblər. Həmçinin, MDB PA Şurası Katibliyinin şöbə müdirləri və müşavirə iştirakçıları MDB PA DİMBİ filiallarının fəaliyyəti ilə bağlı bəzi məsələləri müzakirə ediblər.

Müşavirə 2024-cü il üçün yeni fəaliyyət planları və MDB PA DİMBİ filiallarının qarşısında duran mühüm vəzifələrin həlli yollarının müzakirəsi ilə yekunlaşıb.