MDB Parlamentlərarası Assambleyasından olan beynəlxalq müşahidəçilərin Qazaxıstan Respublikası Xarici işlər Nazirliyinin rəhbərliyi ilə görüşü keçirilib

Martın 14-də MDB Parlamentlərarası Assambleyasından olan beynəlxalq müşahidəçilər ilə nazir müavini Yermuxambet Konıspayevin rəhbərliyi ilə Qazaxıstan Respublikası Xarici işlər nazirliyinin rəhbərliyi arasında görüş keçirilib.

Tərəflər qarşıdan gələn konstitusiya referendumunun monitorinqinin əsas aspektlərini və gələcək əməkdaşlıq perspektivlərini müzakirə ediblər.

Yermuxambet Konıspayev MDB Parlamentlərarası Assambleyasının Birlik daxilində vahid hüquqi sahəsinin inkişafına verdiyi töhfəni yüksək qiymətləndirərək, Assambleyanın sayəsində iştirakçı-ölkələrin milli qanunvericiliyinin uyğunlaşdırılması üçün əsas olmuş 700-dən çox model qanunun hazırlanmasını qeyd edib. O, həmçinin MDB Parlamentlərarası Assambleyasının digər fəaliyyət istiqamətlərinə də dəstəyini bildirib və Qazaxıstanın parlament dialoqunu bundan sonra da dərinləşdirməyə hazır olduğunu vurğulayıb.

MDB Parlamentlərarası Assambleyasının Monitorinq qrupunun koordinatoru Ziyafət Əsgərov qrupun tərkibi və MDB Parlamentlərarası Assambleyasının Demokratiyanın inkişafının monitorinqi beynəlxalq institutunun ekspertlərinin işlərinin ilkin nəticələri barədə məlumatları təqdim edib.

MDB Parlamentlərarası Assambleyasının Baş katibi Dmitri Kobitski bu il yaradılmasının 20 illiyini qeyd edən Demokratiyanın inkişafının monitorinqi institutunun fəaliyyəti barədə bəhs edib.