MDB PA DİMBİ Bakı filialının direktoru Qazaxıstan Respublikası Konstitusiya Məhkəməsinin sədri ilə görüşdə iştirak edib

Martın 14-də MDB PA-dan olan beynəlxalq müşahidəçilər Qazaxıstan Respublikasının yeni konstitusiyasının qəbul edilməsi ilə bağlı referendumun qısamüddətli monitorinqi çərçivəsində Qazaxıstan Konstitusiya Məhkəməsinin sədri Elvira Əzimova ilə görüş keçiriblər.

Dialoq zamanı Konstitusiya islahatı komissiyasının iş prinsipləri, bitərəfliyin təmin edilməsi mexanizmləri və xalq səsverməsinə çıxarılan yenilənmiş Konstitusiyanın əsas müddəaları vurğulanıb.

Qrupun koordinatoru, Azərbaycan Respublikası Milli Məclisi sədrinin müavini Ziyafət Əsgərov bildirib ki, Assambleyadan olan beynəlxalq müşahidəçilər Qazaxıstanın xarici işlər naziri Yermek Koşerbayevin dəvəti ilə monitorinqdə iştirak edirlər.

Tərəflər konstruktiv diskussiya aparıblar və bu müzakirədə müşahidəçilərin verdiyi bütün məsələlər ətraflı işıqlandırılıb.

Görüşdə Azərbaycan, Belarus, Qırğızıstan, Rusiya, Tacikistan, Özbəkistan və digər MDB ölkələrinin deputatları və senatorları, həmçinin Assambleyanın vəzifəli şəxsləri və MDB PA Demokratiyanın inkişafının monitorinqi beynəlxalq institutunun (DİMBİ) ekspertləri iştirak ediblər.