MDB PAA-dan olan beynəlxalq müşahidə qrupunun koordinatoru Ziyafət Əsgərov Rusiya Federasiyası Prezidenti seçkilərinin uzunmüddətli monitorinqi çərçivəsində Sankt-Peterburqun Kalininskiy rayonunun 17 saylı ərazi seçki komissiyasına baş çəkmiş və onun sədri Vasili Demkinlə görüşmüşdür.
Elə həmin gün MDB PAA-dan olan qrup üzvləri Piskaryev memorial qəbristanlığını ziyarət edərək “Ana-Vətən” abidəsi önünə əklil qoymuşlar.
Görüş və ziyarətdə həmçinin Azərbaycan Respublikası Milli Məclisinin Əmək və Sosial Siyasət Komitəsi sədrinin müavini Rauf Əliyev, MDB PAA baş katibinin müavini – Azərbaycan Milli Məclisinin səlahiyyətli nümayəndəsi Aydın Cəfərov, həmçinin MDB PAA DİMBİ Bakı filialının direktoru Elman İmaməliyev iştirak etmişdir.