MDB PAA DİMBİ Bakı filialının Direktoru Elman İmaməliyev Rusiya Federasiyası Prezidenti seçkilərinin uzunmüddətli monitorinqi çərçivəsində Vladimir vilayətinin Vladimir şəhərində seçkilərin təşkili və keçirilməsinə hazırlığın gedişini müşahidə etməsi üçün bu bölgəyə səfər etmişdir.
Monitorinq çərçivəsində E.B.İmaməliyev RF Vladimir vilayətinin seçki komissiyasının sədri V.A.Minayevlə görüşmüşdür. Görüşdə seçkilərin təşkili və keçirilməsinə hazırlığın gedişi, seçkilərin təşkili və keçirilməsi üzrə Təqvim Planına əsasən görülmüş işlərə dair fikir mübadiləsi aparılmışdır. Monitorinq, ərazi seçki və məntəqə seçki komissiyalarının ziyarəti ilə davam etmişdir. Monitorinqləri davam etdirmək üçün Elman İmaməliyev bu gün Moskva şəhərinə yola düşəcəkdir.