5 dekabr 2019-cu il tarixdə Bakı şəhərində MDB PAA DİMBİ Bakı filialının əməkdaşları tərəfindən Azərbaycan Respublikasında bələdiyyə seçkilərində yerli müşahidəçilər üçün seminar keçirilmişdir.
Seminarın keçirilməsində əsas məqsəd aktiv seçki hüququna malik vətəndaşlarının maarifləndirilməsi yolu ilə onların seçkilər barədə biliklərinin genişləndirilməsi, bu yolla seçki hüquq mədəniyyətinin yüksəldilməsi, seçkilərin müşahidə edilməsi barədə müşahidəçilərin maarifləndirilməsidir.
Seminarda yerli müşahidənin aparılmasının prinsipləri, müşahidəçilərin hüquq və vəzifələri, müşahidə aparılması qaydaları və digər məsələlərlə bağlı dinləyicilərə məlumat verilmiş, dinləyicilərin sualları cavablandırılmışdır. Seminarın sonunda iştirakçılara MDB PAA DİMBİ Bakı filialının hazırladığı yaddaş kitabçaları paylanılmışdır.