28 dekabr 2017-ci il tarixdə MDB PAA DİMBİ Bakı filialında 2017-ci ilin yekunlarına dair iclas keçirilmişdir.
Filial rəhbərliyi və əməkdaşların iştirak etdiyi iclasda 2017-ci ildə təsdiq olunmuş plana əsasən həyata keçirilən elmi-araşdırma işləri, onların nəticələrinə həsr olunmuş seminar və dəyərmi masalar, həmçinin filial tərəfindən dərc olunan əyani vəsaitlər, bundan əlavə il ərzində çap olunan kitablar, qarşılıqlı-faydalı şəkildə keçirilən görüşlər müzakirə edildi.
İnstitut rəhbərliyi 2017-ci ildə nəzərdə tutulmuş tədbirlərin tam həcmdə və keyfiyyətli qaydada icra edildiyini, tədbirlərin Bakı şəhəri ilə yanaşı regionlarda da keçirilməsinin bundan sonra da davam etdirilməsinin vacibliyini qeyd etdi.
Tədbirdə həmçinin 2018-ci ilə dair tədbirlər planı bənd-bənd müzakirə edildi və planın icrası məqsədi ilə vaxt və iş bölgüsü aparıldı.